Улон – шумпотонэн но куректонэн сураськем дунне

Бурай ёросысь Алтау гуртысь Гыльнифа но Кабитьян Фаршатовъёс нимысьтыз военной операциын яратоно пизэс ыштӥзы. Нош солэсь азьвыл нылзы дырызлэсь вазь улонысь кошкиз. Анай-атайлэсь кайгузэ кылын вераны уг луы. Кышномурт курыт синвуоссэ адӟытыны быгатӥз ке, пиосмурт ӵушкась синвуосын пушказ бӧрдэ.

Котьку юн луыны дышем Кабитьян Фаршатов пизэ ватэм бере калык азьын секыт кайгузэ сюлмысьтыз поттыны ӧз дӥсьты.

- Сюлэм соку тылтэк ӝуаз. Али но, вакыт ортчыса, пиме малпасько ке, пушкам чепыллясь висён выль кужымен ӝутске. Кайгу сюлэмме сюпсе, уйёсты «лушка», кӧлыны уг сёты. Кузпалы умме усе ке, каллен пичи комнатае вамыштӥсько. Отын куддыр ӵукнаозь тетраден но ручкаен пукисько. Вань сюлэмшугъёсме кагаз вылэ лэзисько. Озьы сюлэмам капчигес луэ, - малпанъёсыныз люкиське пиосмурт.

Кабитьян Фаршатов вордскемын но будэмын Алтау гуртын. Татысь со котькуд юртэз, ульчаез, улӥсь калыкез умой тодэ. Вордскем гуртэзлэсь историзэ со нимысьтыз тетраде гожъяса мынэм. Солэн гожъямъёсаз Алтау гуртысь коркаослэн 1955-тӥ арысен интыяськемъёссы, соослэн кузёоссылэн нимъёссы шараямын. Кабитьян Нигиевичлэн гожъямъёсыныз журналист но писатель Ульфат Бадретдинов нимысьтыз книга поттӥз.

Венера ИЛЬБАЕВА

(Материалэз быдэсак лыдӟыны быгатӥськоды газетмылэн 23-тӥ номерысьтыз)