Сюлмаз удмуртлык улэ

Наташа вордӥськиз Удмуртиын, Можга городын. Атаез палтӥ - ӟуч, соин нырысь-валысь удмурт кылэз уг тоды вал. Но озьы пӧрмиз, ньыль арес дыръяз анаезлэн гуртаз, Башкириысь Татышлы ёросысь Вязовкае, улыны бертӥзы. «Пичи дырме умой уг тодӥськы ни. Куд-ог учыръёс гинэ син азям пуксё: Вязовкаысь нылпи садэ нырысьсэ лыктӥ но возьдаськеменым группае но пырыны ӧй дӥсьты. Ӧсэз пичияк усьтыса сылӥ, нылпиослэсь шудэмзэс учкыса. Эшъёсы тодазы вайыло: ми, пе, монэ но вынме (ми кыктоос) пукон вылэ пуктӥськомы но хоровод кариськомы вал. Ми весь кыкнамы шудылӥмы, угось удмурт кылэз ӧм валаллялэ. Эшъёсы кылдэм бере ини анаелы шуиськем: «Удмурт луэме потэ! Дышеты монэ удмурт кылын вераськыны!». Со дырысен мон – удмурт!», - шуэ со.

Наташа йылпумъяз УдГУ-ысь журналистикая факультетэз. «Калыкын шуо: гожтэмезлэсь уд пегӟы. Малпамтэ шорысь журналистикая факультетэ дышетскыны пыри,- азинтэ со веранзэ. - Тӥни соку, дыр, мон каллен-каллен гожъяськон ӧре золгес кыстӥськыны кутски. Малы ке шуоно журналистика мыным эшшо одӥгез бадӟым вамыш луиз удмуртлыке. Солы луыса вуи «Шунды» огазеяськонэ. Огазеяськонлэн пӧртэм площадкаосын ортчылӥсь ужрадъёсаз котьку пыриськылӥ. Огазеяськонысь кыӵе тодон-валан басьтыны луэ – ваньзэ пушкам пыӵатӥ. Башкортостанысь удмурт пиналъёс понна радъяськись «Усточикар» лагере журналистика удысысь ӧнерчи луыса вуылӥ». Наталья понна бадӟым трамплин выллем мыным луиз, гожъяськонэ сюрес усьтӥз, журналист кадь кыдатӥз «Ошмес» газет.

Венера ИЛЬБАЕВА.

(Н. Михайлова сярысь пыр-почгес лыдӟыны быгатоды газетмылэн 21-тӥ номерысьтыз).