Бадӟым но эшлыко семья котькуд ужзэ ӵош быдэсъя

Зэм, республикамы данъяськымон но адӟем карымон семьяосын узыр. Янаул ёросысь Вуж Вараш гуртын улӥсь Любовь но Алексей Суфияровъёслэн семьязы сярысь но ӟеч кылъёсын гинэ вераны луэ. Кызь ар талэсь азьвыл егитъёс чебер но кужмо семья кылдытӥзы, куинь нылпиослы анай но атай луизы. Шумпотыса вераны луэ, туннэ нуналэ Суфияровъёслэн семьяязы куинь поколение тупаса, ог-огзэс валаса но гажаса улэ. Кузпалъёс Алексейлэн анай-атаеныз Маргарита Имамутдиновнаен но Юрий Александровичен ӵош уло. «Милям семьямы бадӟым но дружной», - вера Любовь Тимиртдиновна.
Одӥг гуртын быдэ вуэм кузпалъёс палэнысь шуд ӧз утчалэ. Гуртазы ик улыны интыяськыса, гурт хозяйствое ужаны вамыштӥзы. Любовь Тимиртдиновна «Колхоз Восток» СПК-лэн столовойяз уж удыссэ кутскиз. Туннэ нуналэ но со бусы ужасьёсты ческыт сиёнэн шумпоттэ. Ижевскысь гурт хозяйствоя институтэз йылпумъям Алексей кузпалызлы хозяйствоысьтызы МТМ-ен кивалтон ужез оскизы. Нош 2012-тӥ арысен Алексей Юрьевич «РН-Пожарная безопасность ООО-ын тырше. 

(Быдэс материалэз лыдӟыны быгатоды газетлэн 12-тӥ номерысьтыз).