Атаезлэн пытьыетӥз вамыштӥз, уж сюрессэ школаен герӟаз

Татышлы ёросысь Выль Татышлы школаын ужась Вилена Султаншиналэн но быръем удысэз нылпиосты визьноданэн, соослы тодон-валан сётонэн  герӟаськемын. Вилена Витальевна директорлэн учебно-воспитательной ужъёсъя воштӥсез луэ. Со сяна, биологияя но химияя урокъёсты нуэ. 

- Укмысэтӥ классозь Уразгильдыысь школаын дышетски. Собере дышетсконме Вылысь Татышлыысь нырысетӥ номеро школаын азинтӥ. Биологияя  урокъёсты, сяськаос будэтыны, пудо-животъёсты, бакчаын ужаны яратэме Бирскысь пединститутлэн биолого-химической факультетаз вуттӥз. Со сяна, дышетӥсьлэн ужез мыным пичиысен тодмо вал. Атае, Виталий Набиокович, гуртысьтымы школаын математикая, физикая, трудъя урокъёсты нуиз. Анае, Раиса Шайбаковна, скал кыскисьын тыршиз. Гуртамы нылпи садмы ӧй вал. Соин мон ӵемысь атае сьӧры школае ветлӥ. Собере, бадӟымгес буд эм
бере, атаелы куд-ог ужъёссэ быдэстыны но юрттылӥ. Соку ик, дыр, дышетӥсь луон мылкыды пуромиз, - вера Вилена Витальевна. 

(Быдэс материалэз лыдӟыны быгатоды газетлэн кыкетӥ номерысьтыз, 2026-тӥ ар).