Башкортостанын пӧртэм кылъёсын трос газет потэ

Та вакытэ Башкортостанын 150-лы матэ газет-журнал потэ. Лыдӟисьёс кие соос башкир, бигер, ӟуч, пор, чуваш, удмурт кылъёсын вуо. Республикаысь газет-журналъёс пӧлын 1999-тӥ арысен аслэсьтыз интызэ шедьтӥз «Ошмес» газет но. 2026-тӥ арысь толшор толэзе со лыдӟисьёс кие 642 экземплярен вуоз. Озьыен, та лыдпус 2025-тӥ арысь паларен огвыллем луэ. Газетлэн тросгес лыдӟисьёсыз Татышлы ёросын (242 экземпляр). Со сяна,  со вуоз:

- Ермекей ёросэ – 4 экз.

- Бурай ёросэ – 48 экз.

- Балтач ёросэ – 12 экз.

- Аскино ёросэ – 1 экз.

- Дуван ёросэ – 1 экз.

- Киги ёросэ – 3 кз.

- Нефтекамске – 1 экз.

- Краснокама ёросэ – 1 экз.

- Калтасы ёросэ – 64 экз.

- Хайбулла ёросэ – 1 экз.  

- Уфае – 2 экз.

- Кушнаренко ёросэ – 4 экз.

- Янаул ёросэ – 120  экз.

Туэ газетэз редакция пыр басьтӥсьёслэн лыдзы йылӥз.

Кылем арын «Республика Башкортостан» издательской юрт «Добрая подписка» акция радъяз. Отчы Башкортостанысь удмуртъёслэн национально-культурной цетрзылэн Кенешезлэн ёзчиосыз но мыло-кыдо пыриськизы. Гожтӥськон лыдпусъёс лыдпусъёс сокем трос ӧз воштӥське ке но, кызьы тодмо, шапыкен-шапыкен быдэс зарезь кылдэ. Со сяна, тау карон кылъёсмес вуттӥськом газетмылэн эшезлы Р. Р. Галямшинлы. Со «Марафон подписки» акцимес радъяны кузьымъёсын юрттӥз.

Вань лыдӟисьёсмес, газетмес вӧлмытӥсьёсты, Россиысь Печатьлэн нуналэныз ӟечкыласьком. «Ошмес» тӥ доры котьку ӟеч иворен мед вуоз.