Гуртлэн вуоноез семьяосын герӟаськемын

- Ульчаосын нылпи куараос арысь аре шергес кылӥсько, - гуртсылэн вуонозы сярысь малпаськыса верало Бурай ёросысь Байшадыысь арлыдо­ос. Гуртын егит, трос нылпиен семьяос трос ӧвӧл угось.

Резеда но Алексей Ша­гиевъёслэн семьязы 2007-тӥ арын кылдэм. Соослэн куинь нылпиоссы будо. Бадӟымез н ы л з ы Д и а н а Б у р а й ы с ь нырысетӥ номеро школаын дышетске. Нош Константин но Сабина Татышлы ёросысь Акбулат школае дышетскыны ветло. Алексей соосты ӵукна дышетскыны бускель ёросысь гуртэ келя, урокъёссы бырем бере пумитаны мынэ.

Резеда ачиз но Татышлы ёросысь Арибашын вордскыса будэм. Гурт улонлы дышыса будэм нылаш быдэ вуыса но городэ интыяськон сярысь малпаськымтэ. «Мон гуртын уло, дор палъёсылэсь кыдёке выжы лэземе уг поты», - шуэ вылэм со пичи дыръяз. Та дыре Резеда гуртысь клубын ужа. Кузпалыз Алексей гур­тысьтызы Геннадий Гильмаут­диновлэн крестьян-фермер хо­зяйствояз тырше. Уж сюрессэ со гуртысьтызы Мичурин нимо колхозысен кутскем. Школаез йылпумъяса, комбайнёрлэн юрттӥсез луыса ужам.

Алексейлэн служба аръ­ёсыз Оренбург улосвылын ортчиллям. Кык ар ӵоже солдат улонэз веръяса, со гуртаз бер­тэм, гурт хозяйствое ик ужаны потэм.

- Алексейлы котькыӵе ужез оскыны луэ. Кутскем ужзэ бы­гатыса быдэсъя, йылаз-пумаз вуттэ, - вера ужасез сярысь Геннадий Аскарович. – Кулэ ке, электриклэсь но, механиклэсь но ужзэ нуоз, ю тысь складэ но вамыштоз.

Шагиевъёс трос пудо вор­до, сад-бакча будэто. Анай- ат а й з ы л ы н ы л п и о с с ы н о юрттӥсько. Озьы соос пичи­ысен котькуд ужез валаса, радлыкезлы дышыса будо. Кузпалъёс туж шумпото, со­ослэн оскымон кивоштӥсьёссы вань шуыса.  

Миляуша БУЛАТОВА.