Калыкмылэн одӥг осконэз но одӥг шумпотонэз

Со сярысь «Фронтовые заметки» блогаз ӵемысь гожъяз Геннадий Старунов но. Со 2022-тӥ арысен ож бусыын луиз. Та вакытэ ик  блог кылдытӥз. Отчы ож сюресэз сярысь гожъяз, калыклэн пӧртэм юанъёсызлы валэктонъёс сётъяз, солдатлэсь улонзэ но мылкыдзэ возьматыны тыршиз. Сое куать сюрслэсь трос адями лыдӟиз. Геннадий Старунов нимысьтыз военной операцие кошкемезлэсь азьвыл Москваысь одӥгаз школаын ОБЖ предметъя дышетӥсь вал. 2025-тӥ арын пӧсьтолэзе солэн улон сюресэз чигиз. Табере ожгарчилэсь блогзэ анаез нуэ. Отысь кӧня ке ужъёсын тӥледыз но тодматӥськом.   

Солдат ож лудын котырысьтыз мар адӟе?

(нылпилэн юанэз)

Нырысь ик со – мерттэм писпуос. Соос пӧлын трос сюресъёс но блиндажъёс. Куддыръя мумисько куштӥськем блиндажъёс. Ожгарчиос азьлане вамыштыкузы соосты кельтӥллям. Гуртъёсын но городъёсын адӟисько пуштытъям коркаос. Куке но отын адямиос улӥллям, нылпиос шудӥллям. Юртъёсысь трос дыръя пӧртэм туспуктэмъёсын альбомъёсты учкиськом.

Нош ульчаын кенеръёс пасяськемын, машинаос пуштытъямын. Ульчаостӥ мотоциклъёс но квадрациклъёс ворттыло, солдатъёслы пӧртэм вуз нулло. Нош палэнынгес паськытэсь бусыос адӟисько. Шыпыт улон вакытэ отчы котькуд усем кидыс ӟеч емышсэ сётысал. Оскисько, азьланян соос одно ик кизиськозы, ӧжыт чидано. Тодӥсько, ож вакытэ но тросэз помидор но мукет со выллем бакча сиёнъёсты будэтыны тыршизы шуыса.

Татын тужгес дуноез луэ адямиен пумиськон. Ож вакытэ улонэз капчи ӧвӧл ке но, соослэн ӟеч мылкыдзылы паймоно. 

Кылемзэ лыдӟе газетмылэн вуоно номерысьтыз.