Ӵошен мыныку сюрес капчигес потэ

 Одӥг классын дышетскиллям, будэмъязы гуртысьтызы клубе ӝыт шудонъёсы поталлям, пӧртэм ужрадъёсы пыриськылӥллям. Нош огдыре соос куспын яратон тылгизьы кенжем. 1982-тӥ арын толсур толэзе яратӥсь сюлэмъёс паръяськиллям. «Егит дыръя улонмес городлы воштыны малпаськом вал, но вордскем шаер бордаз кыскиз. Кык ар Нижний Тагилын улыса, берен гуртэ вуим», - вера Эля Канифяновна.  

Кузпалъёс со дырысен семьязылэн шудо вуоноез сярысь малпаськыса, гуртсылэн сюлмаськонъёссы пӧлын бергаса уло. Гуртын субботникъёс ке ортчо, соос одно ик пырисько, юртъер котырысьтызы ужъёссы сярысь огдырлы вунэтыса уло. «Гуртын пудо вордытэк, сад-бакча утьытэк уг луы», - шуо соос. Сафутдиновъёслэн асьсэлэн музъемзы но вань. «Ньыль гектарлэсь трос турын, чабей кизим. Скал, кунян утиськом. Ыж трос вордӥськом. Гужемлы чипы-курег басьтӥськом», - вера Ингель Минкаирович.

Кузпалъёслэн ужтэк пукемзы ик ӧвӧл.

(Быдэссэ гожтэмез лыдӟе 31-тӥ номерысь).