Лякыт сямыз бордаз кыске

Милям яратоно анаймылэн, ӵужаймылэн, песяймылэн Флюза Пукроковна Нуриахметовалэн но сямыз сыӵе. Со Татышлы ёросысь Уразгильды гуртын улэ. Анаймы огназ ке но, со котькытчы вутскыны тырше. Нош шутэтскон нуналъёсы, каникулъёсы отын ноку мӧзмыт уг луы – корказ, азбараз нылпи куараос чузъясько. Зэм, ваньмылы огазе ӵемысь люкаськыны уг кылды. Нош сыӵе дыръёс луо ке, дунне вылын анаймылэсь шудо адями ӧвӧл, дыр. Со – нылпилы узыр адями. Бадӟым сюрес вылэ кык нылзэ но кык пизэ султытӥз, соосты улон сюрес кузя йыгмыт вамыштыны дышетӥз. Нош собере кенъёссэ, эмеспиоссэ шуныт бурд улаз басьтӥз. Нош табере со нунокъёсызлэн вормонъёссы понна шумпотыса улэ.

Анаймы нылпиоссэ, нунокъёссэ ческыт пыжиськемъёсын, тыр ӝӧкен пумитаны тырше. Солэн лякыт сямыз милемыз котьку бордаз кыске. Соин, лэся, вакчи пумиськонмы но бадӟым праздниклы пӧрме. Та нуналъёсы анаймы котырес юбилейзэ - 65 арес тырмонзэ - пусъе. Котьку сямен, вордӥськем нуналзэ со уж пӧлын бергаса пумита. Шумпотӥськом, тон ас уженыд, ӟечлы гинэ оскеменыд милемыз азьлане вамыштыны бурдъяськод шуыса. Тынад шуныт сюлмыд, небыт киосыд, зӥбыт сямыд, чылкытэсь малпанъёсыд ми понна котьмалэсь дуно луо. Вордӥськем нуналэныд ӟечкыласа, тыныд ваньзэ умойзэ сӥзиськом: юн тазалык, задор мылкыд. Тон нылпиосыд, матысь адямиосыд вӧзын котьку шудо мед луод.   

Нылпиосыд Анюта-Денис, Юлия-Василий, Юрий-Елена, Сергей-Алёна, внукъёсыд Валерия, Илья, Дарья, Алина, Полина, Марк, Ксения, Андрей, Элина но Виктория.