+28 °С
Салкым
Общество
8 Июля 2025, 04:40
Улон бугор питыра, нуналъёсты, аръёсты биньыса
Туннэ - Семьялэн, яратонлэн но чынлыклэн нуналзы. Тодматскыны ӵектӥськом Балтач ёросысь Асавка гуртысь Федосия но Назиф Хановъёслэн семьяенызы. Соос улон сюрес кузя 44 ар ӵошен вамышто. Кузпалъёс ог-огзэс валаса, гажаса, котькыӵе секыт дыръёсы ог-огзылы пельпумзэс пуктыса-юрттыса уло. Соос - куинь полэс шудо анай-атай. Пиоссэс лякыт сямо, ужез яратӥсь, бадӟымъёсты, вордскем шаердэ гажась, куспазы но, калыкен но огкыл шедьтыны быгатӥсь мед луозы шуыса визьнодазы. Та дыре пиоссы быдэ вуэмын ни, асьсэлэн семьяосынызы уло. Кыкез пизы - Руслан но Аслан - военнойлэсь ужзэ бырйизы.
Улон бугор питыра, нуналъёсты, аръёсты биньыса
- Пиослэсь будэмзэс шӧдыса но ӧм вуэ, шуыны луоз. Аръёс туж ӝог азьлань дырто, - шуэ Ф. Ханова. – Руслан пичи дырысеныз военной удыс быръён сярысь малпаськиз. Со вить ар ӵоже Екатеринбургысь военной училищеын дышетскиз. Агаезлэн пытьытӥз вамыштӥз пичиез пимы Аслан но. Со но Екатеринбурге дышетскыны пыриз, берлось арзэ Санкт-Петербургын дышетскиз. Кыкез но пиосмы офицеръёс, Руслан – капитан, Аслан – майор.
Аслан та дыре нимысьтыз военной операцие пыриське. «2022-тӥ арысь тулыспал толэзьысен ни шаермес тушмонъёслэсь уте», – шуэ Федосия Демьяновна. Руслан но тылож пыр ортчемын, со Чечняын луэм. «Та дыре Тольяттиын военнойёсты дасян ӧрын тырше. Кыкетӥез пимы, Рустам, семьяеныз Чернушкаын улэ, - вера Федосия апай. - Котькуд нуналмы нылпиосмылы ӟечсэ куронэн кутске. Мед бырысал ни СВО. Соку вань анай-атайёс капчияк шокчысалзы».
(Быдэсак лыдӟе газетлэн 26-тӥ номерысьтыз).
