Тупаса улон - со шуд, шумпотон, кужым но ваньбур

Янаул ёросысь Вуж Варашысь Джанна но Лев Гайфуллинъёс но асьсэды вордскем гуртсылы кузьмазы. Семья кылдытыса, соос гуртэ выжы лэзизы. Кык ныл будэтӥзы, корка пуктӥзы, татын ик тыршыса ужало. Та дыре Октябрина но Лариса нылъёссы асьсэлэн семьяосынызы Уфаын уло. Гайфуллинъёс – куинь полэс шудо ӵужай-ӵужатай. Гайфуллинъёслэн семьязы 1989-тӥ арын пӧсьтолэзе кылдэм. Лев Владимирович кузпалзэ Будья Варашысь ваем. Кык гуртъёс ог-огзылэсь кыдёкын ӧвӧл: соосты шур гинэ люке. «Мон Сарапулысь совхозтехникумын бухгалтерлы дышетски. Распределение амалэн монэ куарусён толэзе Удмуртиысь Кез ёросэ ужаны лэзё вал», - вера Джанна Какимзяновна. Семьязы кылдэмен, егит кузпаллы кыдёкысь уж утчано луымтэ. Джанна Какимзяновналэн уж сюресэз гуртысьтызы хозяйствоысен кутскем. «Нырысь колхозын бухгалтер луыса ужай. Поварын но тырши», - шуэ Д. Гайфуллина.

(Материалэз быдэсак лыдӟе газетлэн 17-тӥ номерысьтыз).