«Усточикар» ӧсъёссэ нырысетӥ инвожое усьтоз

Татышлы ёросын, кылсярысь, «Комаров» нимо шутэтскон лагерь нылпиосты пумитаны дась. Солэн директорезлэн Чулпан Кутлубаевалэн ивортэмезъя, туэ инвожо толэзе «Усточикар» смена радъяськоз. « Лагерь арлы быдэ туж тунсыко ортче.Туэ но пӧртэм уз луы. Уд ке оскиське, дыртэ отчы шутэтскыны вуылыны яке нылпиостэс келяны», - вера Чулпан Мавлихановна.

Вязовка  гурт вӧзысь лагере шутэтскыны лыктэм пиналъёсын Башкортостанысь но Удмурт Элькунысь ӧнерчиос но вожатойёс ужалозы. Кызь одӥг нунал куспын (лагерь 1-21-тӥ инвожое ортчоз) нылпиос трос вылезлы дышетскозы. Соос кырӟалозы но эктозы, суредаськозы, пӧртэм киужъёсын вырозы. Со сяна, туэ выль ӧр усьтыны малпамын. Со сярысь матысь дыре пыр-почгес тодмо луоз. Нош «Усточикаре» путёвка басьтыны та нуналъёсы «Учёт детей и подростков Республики Башкортостан, нуждающихся услугами отдыха и оздоровления» ГИС пыр луэ. Зэм, со понна, Татышлы ёросысь пиналъёс сяна, мукетъёслы ёросъёсысьтызы но городъёсысьтызы дышетонъя ёзэтъёсы нырысь вазиськоно. Туэ путёвкалы анай-атайёс 7799, 40 манет коньдон тырозы.