+28 °С
Салкым
Общество
11 апрель 2025, 17:49
Инкуазьлэн азинсконэз адями киын
Туэ вазь вуэм тулыс мылкыдэз ӝутӥз. Кожалод, али гинэ музъем лымы улысь потыны кулэ вал, нош туэ гуждор вожектыны кутскемын ини.
Жаляса верано, лымы шуна ке, тол ӵоже люкаськем жуг-жаг ульчаос кузя костаськыны кутске. Та выллем суред шоры учкыса, шунтыса пиштӥсь шунды но мылкыдэз уг ӝуты ни. Малы ке но адями аслаз киосыныз улон интызэ кырсь каре. Нош чылкытэз валасьтэмъёслэн «ужзы» мукет адямиослэн пельпумазы пуксе.
Арлы быдэ гурт калык котыр улосэз тазатыны люкаське. Ёросъёсын арнялы быдэ «Чистая пятница» акция ортче. Калтасы ёросысь Бадӟым Качак гуртын улӥсьёс но субботникъёсын тыршыса ужало. Кылсярысь, туннэ, 11-тӥ оштолэзе, культура юртын но библиотекаын ужасьёс культура юрт котырез утялтӥзы. Выль урамын улӥсьёс но жуг-жаген «нюръяськизы».
Чылкыт интыын улыны но шулдыр, шоканы но капчи. Соин котыр инкуазьлэн азинсконэз адями киын. Угось асьмеос йырын малпаськыны быгатӥськом, жуг-жагез ульчае куштыку, йырвизь мед ужасал вылэм.
