Башкортостан трос туристъёсты пумита

Кылем арын природной паркъёсы («Иремель», «Мурадымовское ущелье», «Кандры-Куль», «Аслы-Куль», «Зилим») 162 сюрслэсь ятыр туристъёс вуылӥзы. Соос пӧлысь тросэз (65 сюрс адями) «Кандры-Куль» паркез бырйиллям. «Иремель» паркын но шутэтскисьёс трос луиллям.  

- Инфраструктураез азинтонлы федерал юрттэт возьматӥськемен, 2023-тӥ арын «Башкирия» национальной паркын 16 учкон площадкаос, ньыль кемпинг, сизьым экотропа, турстоянкаос лэсьтэмын, туринвентарь басьтэмын, - вера регионысь туризмъя но предпринимательствоя министр Зухра Гордиенко. – Туристической сюресъёс лэсьтон ужъёс дугдыса уло. Туэ но та ӧръя трос уж лэсьтыны чакламын.

Башкортостанын промышленной туризмез азинтонлы но саклык висъяське. Кылсярысь, «Арт-центр Воскресенский завод» проект. Проектэз дасясь команда  2020-тӥ арын быдэсросси конкурсын вормисьёс пӧлын луиз. Табере арт-центрын туристъёс понна нуналлы быдэ экскурсиос радъясько, шутэтскон нуналъёсы – культурно-образовательной ужрадъёс.

2024-тӥ арын Воскресенское гуртэ огъя 12 сюрслы матэ туристъёс вуиллям.