Пӧяськисьёслы тямыс миллион манетлэсь трос коньдон келязы

Одӥгез учыр Салаватын луиз. Башкортостан Республикая МВД-лэн пресс-службаезлэн ивортэмезъя, полицие городысь 60 аресъем пиосмурт вазиськиз. Солэн кылъёсызъя,телефоназ Пенсионной фондын ужасьёс жингыртӥллям. Тодмотэм адями воргоронэн тефоназ вуэм смс-кодэз ивортыны курем. Со пенсизэ будэтыны, пе, юрттоз. Пиосмурт тодмотэм адямилы оскиськыса, солэсь куронзэ быдэстэм. Собере солы выльысь кин ке жингыртэм. Табере со вылэ кредит басьтыны малпало шуыса ивортӥллям.  Йыртэмасьёсты дугдытон понна вань коньдонэз «безопасной счетэ», пе, выжтоно.

Пиосмурт вакчи дыр куспын куинь миллионлэсь ятыр коньдонзэ ыштэм, со пӧлысь 2,5 миллионзэ со аръёс ӵоже жадёнзэ валатэк ужаса люкам вылэм. Нош 450 сюрс манетлэсь тросгес коньдонзэ кредит басьтэм.  

Туспуктэмез Ксения Калининалэн.