Шаермес утисьёслэн нимзы медаз вуны

Туэ программае Майск гуртын улӥсьёс пыриськыны мылкыд каризы. Вакчи дыр куспын трос ужпумъёсмес эскеримы, инициативной группа бырйимы. Йылпумъясь кенешонын программае пыриськон понна «Устройство обелиска павшим воинам в Великой Отечественной войне 1941-1945 годов в д. Майск муниципального района Татышлинский район Республики Башкортостан» проект понна куара сётӥмы.

Быдӟым Атыкай ож вакытэ Майск гуртын улӥсь пиосмуртъёс тушмон пумитэ кышкатэк султӥзы. Соос пӧлысь тросэз весяклы ож бусые кылизы. Песятайёсмылэн, ӵужатайёсмылэн нимъёссы уг вуно, калык пӧлын уло. Нош Быдӟым Вормон Нуналэ, котькытын сямен, соослы обелиск вӧзы султыса йыбырттэм потэ. Оскиськом, проектмы вормисьёс пӧлын луиз ке, матысь дыре шаермес утисьёсты буре вайыса, обелиск вӧзы сяська поныны быгатом.

Татьяна Марданова,

инициативной группалэн ёзчиез.