Калык проект понна куаразэ сётӥз

Туэ отчы Татышлы ёросысь Беляшево гурт но пыриське. Та нуналъёсы соослэн йылпумъясь кенешонзы ортчиз. Гурт калык нырысь программалэн радлыкез сярысь вераськиз. Нош собере  сюлмаськытӥсь ужпумъёссы борды выжизы. Со сяна, коньдон люкан сярысь но вераськизы. Угось программае пыриськон понна гурт калыклэсь, спонсоръёслэсь но коньдонзэс люкано.

Кенешонэ люкаськем калык трос ужпумъёссы пӧлысь одӥгзэ бырйиз. Соос «Капитальный ремонт ограждения кладбища с. Беляшево» проект понна куаразэс сётӥзы. Та нуналэ ик ужзылэсь быдэстӥськемзэ чакланы инициативной группа бырйизы.

Гурт поселенилэн администрациеныз кивалтӥсьлэсь ужзэ быдэсъясь Елена Мухаматдинова калыклы сюлмысь тау кариз вордскем гуртсы, солэн вуоноез сярысь сюлмаськемзы понна. Оскиськом, ӵошен быдэстэм ужмылэн емышез шӧдӥськоз, проектмы вормисьёс пӧлын луоз.

Ильмира Шаймарданова,

инициативной группаен кивалтӥсь.