Шаермес утисьёс сярысь вунэтоно ӧвӧл

Гурт калык быдэстэм уженыз буйгатскыны уг дырты. Соин туэ выльысь кун программае пыриськыны малпало. Со понна гуртын юалляськон ортчытӥм. Озьы тодӥм, туннэ нуналэ кыӵе ужпумъёс калыкез тужгес сюлмаськыто. Кенешонын ваньзы огкылысь шуизы: «Вылысь Кудашысь трос пиосмуртъёс Быдӟым Атыкай ожын шаермес утизы. Со сярысь ноку вунэтоно ӧвӧл. Соин ожгарчиосмылы сӥзем памятник котырез утялтоно». Вылысь Кудашын улӥсьёс «Благоустройство территории памятника воинам, павшим в Великой Отечественной войне, в селе Верхнекудашево» проект понна куаразэс сётӥзы. Проект бордын ужаны нимысьтыз инициативной группа быръемын. Программаын вормисьёс пӧлын луимы ке, соос калыклэсь коньдон люкан сярысь сюлмаськозы, ужъёслэсь быдэстӥськемзэс эскерозы.

Азат ГАБСАЛЯМОВ,

Кудаш гурт поселенилэн администрациеныз кивалтӥсь.