Оскымон пиос утё вордскем музъеммес

2022-тӥ арын 28-тӥ куарусёнэ мобилизация улсын Улысь Балтачысь куинь егит пиосты нимысьтыз военной операцие басьтэмзы бере, Юрий но шаермес утён сярысь малпанъёсаз выем. Матысьёсызлы номыр верамтэ ке но, анай сюлэм ваньзэ шӧдыса улэм. СВО-е мынонзэ Юрий нырысь ик апаезлы ивортэм. Со дыре сыӵе малпанэн улӥсьёс ёросын куинь кузя вылӥллям. «2022-тӥ арын 19-тӥ октябре мон, «Путин» (авт. – Ю. Хабибуллинлэн позывноез), «Гаян» СВО-е мынӥсь мобилизованнойёслэн радазы луим», – вераз гужем пумиськыкумы Юрийлэн «Азик» эшез. Со дырысен егит пиос ӵош. Соос куинетӥ арзэ ни, асьмелэн ӟеч вуономы сярысь сюлмаськыса, тушмонэн нюръясько.
«Ӝоген мед вуысал вормон». Таӵе кылъёсын кутске котькуд нуналэз Елена Викторовналэн. Пиезлэн нимысьтыз военной операцие мынонэзлы со пумит ке но вылэм, Юрий малпанзэ воштымтэ ни. «Мынам тодмоосы шаермес утё. Мон но соослэн радазы луыны кулэ шуыса вераз соку пие», - вера Е. В. Хабибуллина.

Пыр-почгес лыдӟе газетмылэн 8-тӥ толшоре потэм номерысьтыз.