Кипчак гуртэн тодматскизы

«Здесь Родина моя» туристической маршрут улсын радъяськись экскурсие потӥзы Бадӟым Талмаз гуртын улӥсьёс. Соос Кипчаке мыныны мылкыд каризы. Талмазъёсты гуртысь клубын пумитазы. «Зангари» ансамбле ветлӥсьёс соослы шулдыресь кырӟан-крезьгуръёссэс, задор мылкыдзэс кузьмазы.

Собере куноос гуртысь школае вамыштӥзы. Дышетскон юрт, солэн сюресэз сярысь веразы дышетскисьёс Диана Ибрагимова но Константин Зарипов. Куноос, экскурсизэз азьланьтыса, гуртысь памятник вӧзы вуизы. Отын Быдӟым Атыкай оже пыриськемъёслэн нимъёсынызы тодматскизы, соослэн подвигъёссы сярысь кылзӥзы. Со сяна, ож сярысь кылбуръёссэс лыдӟизы Диана но Константин.  

Талмазъёс гуртысь библиотекае но кожылӥзы. Соосты библиотекарь С. Ф. Газиятова пумитаз. Светлана Фёдоровна кунооссэ выль ар кузьымъёсын но шумпоттӥз. Нош культура удысын ужась М. А. Фархутдинова «Куклы-обереги» мастер-класс радъяз. Куноос Милана Александовнаен ӵош лоскутъёслэсь мунё лэсьтӥзы.

Экскурсия тунсыко но мур пуштросо пӧрмиз.

Фото: "Кипчакский сельский клуб"