Улон бугор питыра, шудбур но шумпотон вайыса

Янаул ёросысь Наняды гуртысь Сабира но Рафик Галлямовъёс улон сюрестӥ витьтон ар ӵоже ни ваче ки мыно. «Улонын ваньмыз но луиз: шумпотонъёс но, куректон вакытъёс но. Нош ог-огмылы осконмес ноку ӧм ыштэ», - али ке но ог-огзы шоры ӝуась синъёсын учкыса верало кузпалъёс.

Сабира Шакировна вордӥськемын но будэмын Калтасы ёросысь Бадӟым Качак гуртын. «Егит дыръя ужаса, вылды, нуналъёс ӝог ортчо. Али нылпиосмы будыса, анай-атай юртысь кошкизы. Соослэн асьсэлэн семьяоссы. Нош ми Рафаэлен (авт. - Рафик агайлы семьяяз но гуртазы озьы вазисько) кыкнамы кылим. Котькуд нунал сямен малпанъёсам вордскем гуртам вуисько, солэсь мӧзмисько, - пушдуннезэ усьтэ Сабира апай. – Гуртысьтым вуэм адямиез адӟисько ке, сюлэмы шокчыны луонтэм шумпотонэн тырме. Пересьмон вакытъёсаз адямиез вордскем палъёсыз кыско».

Сабира Галлямова пересьмон сярысь вера ке но, солэн шаплыкезлы, капчи мылкыдэзлы но сюлэм задорлыкезлы егитъёс но паймозы. Рафик Фатихович но солэсь бере уг кыльы. Соин, лэся, улон соосты ваче ки вуттэм, яке асьсэос улонзэс озьы радъяллям.

Кылемзэ лыдӟе газетмылэн 30-тӥ октябре потэм номерысьтыз.