Янаулысь суредась ужъёсаз инкуазьмылэсь чеберзэ возьматэ

Нош матысьгес учкид ке, отысь Янаул ёросысь трос гуртъёсты тодмалод. Соос пӧлын ӧжыт ӧвӧл Барабановкаен герӟаськем суредъёс но. Вуоно художник татысь паськытэсь лудъёсын но ульчаосын шудыса будэм угось. Солэн нырысетӥ ужъёсыз но татын ик пӧрмиллям. Рамиз Миншариповичлэн трос чебересь малпанъёсыз герӟаськемын покчи классъёсын дышетӥсеныз Амина Петровна Абганиеваен. Со дышетскисезлэсь пичи дырысеныз ик шӧдэм карандашен, краскаосын ужаны быгатэмзэ. Бӧрысь Рамис Миншарипович та удыслы Удмурт кун университетын дышетскиз. Вераны кулэ, суредаськись  быгатонлыксэ нылпиосызлы но выжтӥз – Юлия но Руслан Екатеринбургысь Уральской архитектурно-художественной кун университетэз йылпумъязы. Та дыре соос Екатеринбургын архитектор луыса ужало. Нош Фируза Шарияздановна - гажано кузпал но яратоно анай – соослэн зэмос дунъясьсы. Солэсь тусбуйзэ, Рамиз Миншариповичлэн ужъёслэсь оглюкетсэ сямен, куарусён толэзе Янаулысь историяя но шаертодонъя музейысь адӟыны луиз. Соку художниклэн адӟытонэз радъямын вал. Соин милемлы но тодматскыны кылдӥз.

Рамиз Миншарипович шумпотэ, аслаз нылпиосыз, искусствоя нылпи школаысь художественной ёзэт пыр потэм пиналъёс пӧлысь тросэз улонзэс суредаськонэн герӟазы шуыса. Табере соос пӧртэм амалэн быдэстэм суредъёсынызы трос калыкез шумпотто.