Усто киос мунёосты дӥсято

«Нырысь удмурт нылэз керттӥ, - вера Людмила Тимирхановна. - Туж кельше вуж мунёосты асьме калык дӥськутэнымы дӥсятыны. Соос пӧлысь котькудӥз мон понна туж дуно луэ». Людмила Садыкова аспӧртэм киуж борды Татышлы ёросысь кибашлы кышномуртлэсь адӟем карыса кутскиз. Мунёосызлы дӥськут со лул-пушсэ буйгатон, кузь ӝытъёсты ортчытон понна керттылӥз. Нош берло та ужез борды лул-сюлмыныз биниськиз. Ужез но со выллем угось: гуртысьтызы библиотекаын ужа бере, пӧртэм ужрадъёсы пыриськоно, адӟытонъёс дасяно луэ. Мунёос котькуд малпанзэ быдэстыны юртто, соосты яркытэсь буёлъёсынызы узырмыто.

Людмила Тимирхановна мунёосызлы дӥськут пӧртэм амалэн керттэ: бадӟымъёссэ Усто киос мунёосты дӥсято венен, пе, капчигес, пичиоссэ – курикен. «Одӥгзэ мунёез, кылсярысь, Кониговоысь Валентина Шарипова сётӥз. Дэрем уйин куинь часозь но керттэме вань», - вера Л. Садыкова. Людмила Тимирхановна ваньзэ 13 мунёез дӥсятэм ни. Со пӧлысь одӥгез 50 ареслэсь но бадӟым, пе. Соин трос нылпиос шудыса будӥллям. Берло сое библиотекае выльдыны-дӥсятыны сётӥллям. Л. Садыкова тросэзлы мунёосызлы ачиз ик пыд но, ки но тупатэ угось, куд-огезлы быдэс мугор керттэ. Солэн шудонъёсызлэн котькудӥзлэн аслаз нимыз вань. Тани одӥгаз ӝӧк вылэ Насьток, Аннок, Улёк, Алёк, Натӥ но Алия интыяськиллям. Нош мукетаз Нина, Злата пуко. Кунгож сьӧрысь вуттэм веськрес муго[1]ро мунёос но Л. Садыковалэн керттэм башкир, бигер, пор, ӟуч, удмурт дэремъёсын паймымон чебер адӟисько – Башкортостанысь зэмос нылъёс выллем.