Тыршись адямилы улонын сюрес усьтэмын

Кымесад мар гожтэм, сое уд вошты шуыса верамзэс пересьёслэсь трос пол кылэме вань. Нош зэмзэ меда со озьы яке адями улонзэ аслаз киосыныз лэсьтэ?

Калтасы ёросысь Качкинтурайысь Филия но Антон Зайруллинъёс вашкала пересьёслэн вераменызы соглаш луо. Угось ог-огенызы пумиськемзы но огшорылы ӧз луы, кыкназылы одӥг улон сюрес гожтэмын вылэм. Кык егит сюлэмъёс шӧдтэк шорысь ӵошен луизы. Кожалод, асьсэос но валаса ӧз вуэ, эрико юмшан вакытсэс шудо семья улонлы воштӥзы. «Эшъёсмы телефон пыр тодматӥзы. Собере одӥг пол пумиськимы но кыкетӥяз вылькенак пыртӥмы», - серекъяса вера Антон Зайруллин. Со вакытэ егит ныл Нефтекамскысь педколледжын дышетске вал. «Качкинтурае вылькенак луыса лыктыкум нырысетӥ курсме гинэ йылпумъясько на вал. Озьы ке но берлань ӧй кошкы: вуоно кузпалме гажан мылкыд вылӥынгес луиз. Дышетсконме но ӧй кушты, госэкзаменъёсме киям нуныен сётъяй», - ортчемзэ тодаз вае Филия Зайруллина.

Зайруллинъёслэн семьязы сярысь лыдӟе газетмылэн 14-тӥ августэ потэм номерысьтыз.