Уфаын бадӟым форум ортчиз

Дауръёс ӵоже соос тупаса улэменызы, кылзэс, сям-йылолъёссэс быгатыса утеменызы висъясько. Туннэ нуналэ но республикаын улӥсьёсты одӥг ужпум огазея – шаермы вылэ урдскем тушмонлы пумит ваньмылы ӵош  султоно.

Уфаын ортчем «Башкортостан – семья народов» ужрад но сое яркыт возьматӥз. Со республикаысь Калыкъёслэн эшъяськон юртсылэн «Моя многонациональня семья» проектэзлэн йылпумъясь дискуссионной площадкаез луиз. Со Семьялэн арез улсын ортчиз.

- Башкоритостанын 59 сюрслэсь ятыр многонациональной семьяос уло, - вераз ужрадын БР-ысь культурая министрлэсь ужзэ быдэсъясь Амина Шафикова. – Со асьмелэсь кужмо, кышкасьтэм луэммес, ог-огмылы юрттыса улэммес возьматэ. Пӧртэм калыкъёс улоно интыын культура, сям-йылолъёс, анай кыл умой утиське.

 «Башкортостан – семья народов» ужрад пленарной люкетэн усьтӥськиз. Со сяна, вить тематической площадкаос ужазы: «Глава семьи», «Роль религии в рапсространении семейных ценносте», «Защитник отечества», «Славные сыны Отечества – казаки!». «Ты не один».

Ужрад пӧртэм ужпумъёсты сэрттӥз-пертчиз, вуоноезлы бадӟымесь ужъёс ӵектӥз.

Фото: соцсети Гузель Ахматдинова