Ю-нянез октыны куазен мед удалтоз

Республикаысь правительстволэн вице-премьерезлэн-регионысь гурт хозяйствоя министрлэн Ильшат Фазрахмановлэн кылъёсызъя, та дыре ю-нянь октон ужъёслэн 15 проценэз быдэстэмын. Ю тысьлэн удалтонлыкез гектарысьтыз шорлыдын 28 центнер усе.

Татышлы ёросысь «Дэмен» ООО-лэн бусыосаз но али ӟырдыт вакыт. Ю-нянь дасясьёс, кыкетӥ куарусёнэ басьтэм лыдпусъёсъя, 392 гектарысь 5228 центнер тысё культураосты октӥллям: 138 гектарысь 1903 центнер ӟег кутсамын, 215 гектарысь - 2852 центнер йыды, 39 гектарысь – 473 центнер вика.

- Та ужез дыраз йылаз-пумаз вуттон сярысь тыршыса ужало комбайнёръёс Руслан Садриев («Акрос 585» комбайнэн 3190 центнер ю тысь кутсам) но Риф Фархутдинов («Вектор» комбайнэн 2038 центнер ю тысь кутсам). Бусыысь ю-нянез дыраз амбаре вуттон сярысь сюлмаське водитель Игорь Абкадиров. Ю тысьлэн удалтонлыкез гектарысьтыз шорлыдын 13 центнерлы ӵоша, – вера хозяйствоысь валтӥсь бухгалтер Фаниля Фахрисламова.

Ю тысь октонэн ӵош «Дэменын» пудо сиён дасян ужъёс но мыно. Силис тырон бордын тыршо комбайнёр Евгений Хабибьянов, механизаторъёс Алик Суфияров, Александр Николаев но Алексей Андреев. Хозяйствоын та дыре 1721 тонна силос, 70 тонна турын дасямын. Кивалтэт но, бусы ужасьёс но оско, азьланяз куазь шулдыр улоз шуыса, кутскем ужзэс соос йылаз-пумаз вуттозы.