Ужан аръёссэс школалы, нылпиослы сӥзизы

«Школаысь оранжереяын экзотической будосъёс будо. Одӥгаз сэрегын – бадӟым аквариум, мукетаз монстераос, фикусъёс будо, нош шораз – ву жильыра. Ӝыныез выж вож тусэн буямын. Отчы пичи нуны пытьыос суредай. Аспӧртэм дуннее вуттӥсь оранжереяе одӥг нуналэ республикаысь дышетонъя министрлэн воштӥсез пыриз. Школаын но таӵе чебер инты кылдытыны луэ вылэм шуыса, паймемзэ вераз со, - школаын ужам аръёссэ тодаз вайыса вера Закирьян Адуллин. – Зэм, туж шулдыр ужамы. Со аръёс ноку уз вунэ».

Закирьян Ахуновичлэн улонэз быдэсак герӟаськемын Татышлы ёросысь Улысь Балтачысь школаен. Ужан аръёссэ со нылпиослы тодон-валан сётонлы сӥзиз, ужез «Отличник образования Российской Федерации» нимен данъямын. Арлыдо дышетӥсь ужам аръёсыз сярысь кема мадьыны быгатэ. Уж дураз луэм тунсыко учыръёссэ, нылпиосын ӵош школалэн сад-бакчаяз тыршыса ужамзэс котьку тодаз возе.

- Мон ужаку, школаен Виктор Гильфанов кивалтӥз. Со котьку юрттыны дась вал. Оранжерея лэсьтон сярысь малпанэлы но дурбасьтӥз. Металлолом люкаса коньдон пыртӥм но, со уксёлы аквариум тупатыны пияла басьтӥм. Сое асьмеос лэсьтӥм. Со сяна, чебересь клеткаос лэсьтыса, попугайёс басьтӥм. Нылпиослы туж кельше вал оранжереямы! - вера З. Адуллин. – Тыршеммы юнме ӧз луы, Крыме вуылыны путёвка но сётӥзы. Отысь буш киын ӧм бертэ: оранжереяе мерттыны чебер будосъёс ваим.

(Быдэсак лыдӟе газетмылэн 34-тӥ номерысьтыз).

Автор:Миляуша Булатова

Читайте нас

Партнеры