Тӧдьы халатсэ военной дӥськутлы воштӥз

Тӧдьы халатсэ военной формалы со 2023-тӥ арын воштэм. Россиысь Обороная министерствоен контракт гожтэмез дырысен Эльвира «Башкортостан» мотострлковой полклэн Ахмет Давлетов нимо медротаяз служить каре. Нимысьтыз военной операцие пыриськытозяз, Эльвира С.Караидельысь ӝог эмъюрттэт возьматон ёзэтын ужам. СВО кутскем бере, Башкириысь эмчиослэн бригадаенызы ӵош кӧня ке пол Красный Лучысь эмъюртэ ужаны вуылэм. Отысен ик малпанэз кылдэм, военнослужащейёслэн радазы ужаны быгатоз шуыса.

Эльвиралэн кылъёсызъя, куке но ӝог эмъюрттэт ёзэтын тыршем фельдшерлы туннэ номыр кышкыт ӧвӧл, сое номырин но уд паймыты ни. «Фронтын но азьвыл быдэсъям ужме ик лэсьтӥсько. Татын ужан луонлыкъёс гинэ мукет, - вера «Луна». – Татын – военной машинаос, БПЛА-ос лобало, вӧзын военной дӥськутъёсын адямиос. Сӧсырмем ожгарчиослы юртэт возьматыны номы руг люкеты. Ми азьын одӥг валтӥсь ужпум – адямилэсь улонзэ утёно».

«Луна» пусъе, соин артэ оскымон адямиос ужало шуыса. Соос ог-огзэс котьку валало. «Ми понна тужгес бадӟым кузьым – йӧнатскем ожгарчиослэн тау карон кылъёссы, нош тужгес кышкытэз - куке адямилэн улонэз чиге, - вера «Луна». – Ачим анай бере, ыштонъёс мон понна туж секыт сётӥсько».

Отпуске бертыкуз Эльвира Башкортостанысь тазалыкез утёнъя министрен Айрат Рахматуллинэн пумиськылӥз. Ведомствоен кивалтӥсь солэсь ужзэ тау карон гожтэтэн пусйиз.  

«Лунаез» дораз анаез, кузпалыз но нылпиосыз витё. Нош со кематэк Вормонэн бертонзылы оскыса, нимысьтыз военной операция мынон интыын сюлмысьтыз тырше.

***

Тодады вайытӥськом: шаерысьтымы мылкыд карисьёсты контрактэн военной службае куто. Контрактэн служба пумысен вазиськыны луэ:

- огъя юалляськон номере – 117;

- ситуационной центре – 122 яке 8 (347) 218-19-19;

- БР-ысь военной комиссариатлэн пунктаз – 8 (347) 248-29-31 (Уфа, Революционная, 156);

- «Мои документы» МФЦ-лэн офисъёсаз;

- башбат.рф сайтэ;

- Телеграм мессенджерысь контрактэн службалы но СВО-е пыриськисьёслы но соослэн семьяоссылы юрттэт возьматонъя чат-ботъёсы.  

Фото:Валерий Шахов.