Тылпу улонэз «ньылэ»

Нылпиосты но та кышкыт учырлэсь утиськыны дышетоно. Уго тылпуэн сэрен, жаляса верано, нылпиослэн но улонзы чигиське. «Кылем арын Башкортостанын вить учыр луиз - тылпуын нылпиос кулӥзы, – республикаысь правительствоын ортчем одӥгаз заседаниын вераз регионысь правительстволэн премьер-министрезлэн нырысетӥ воштӥсез Урал Кильсенбаев. – Туэ республикаысь сизьым нылпилэсь улонзэ тылпу «ньылӥз». Та кышкыт учыръёслэн мугзы – нылпиослэн тылэн чакласькытэк выремзы, анай-атайёслэн нылпиоссы вӧзын луымтэзы».

Башкортостанын тылпулэсь утиськонъя бадӟым уж нуиське. Нылпиослы ужрадъёс ортчо дышетон юртъёсын, шутэтскон лагерьёсын, библиотекаосын, культура юртъёсын, нылпи садъёсын. Та нуналъёсы тылпу сярысь вераськизы Татышлы ёросысь Выль Татышлыысь модельной библиотекаын но. Гуртысь пиналъёс тыл, солэн улонлы, тазалыклы кышкытлык ваемез сярысь вераськизы. Соос нюлэсъёсты тылпулэсь утёнлы саклык висъяно шуыса пусйизы. Со сяна, тодазы ваизы, малэсь, кызьы пожар потэ но ма тодоно, тылпу медаз ӝутскы шуыса. Соос «Правила поведения при пожаре» социальной ролик но «Уроки тётушки Совы» мультфильм учкизы.

Фото: Новотатышлинская-Сельская Модельная-Библиотека-Татышлински