Ӟеч ужъёс – вордскем шаер понна

Со улсын аръёс ӵоже трос ужъёс лэсьтэмын.

- «Атайсал» проект борды басьтӥськыку ум малпаське вал, улосчиосмы сомында проектъёс ӵектозы шуыса. Асьмелэн «Атайсалмы» калыклэсь огинэ люкаськыса, ӵошен кариськыса ужаны быгатэмзэ возьматӥсь проектэн лыдъяське. Отчы пыриськись котькуд адями шаерез понна ӟеч ужъёс быдэстон сярысь сюлмаське, со понна трос кужымзэ понэ, дырзэ висъя, - вераз «Атайсал» проектлы сӥзем, кылем арын Уфаын ортчем «Сила землячества» форумын Радий Хабиров.

Янаул ёросын та проект 2021-тӥ арын февраль толэзьысен быдэстӥське: проект кылдэм бере ик ӟеч уж лэсьтыны мылкыд карисьёс луизы.

Быдэстэм ужъёс сярысь вакчияк верано ке, удмурт гуртъёс но палэнэ ӧз кыле. Россиысь Геройлэн Игорь Насибуллинлэн анай-атаез кылем арын Вуж Варашысь «Зиятдин» ошмесэз тупатыны мылкыд каризы: пизылы сӥзьыса лэсьтоно ужзы борды Роза Хабибзяновнаен Леонид Гыльмиярович сюлмысь басьтӥськизы. Тупатон ужъёс лэсьтон витьтон сюрс манет тыр луиз.

Максим гуртысь «Тегирмен» ӵыпет но «Атайсал» проектъя лэсьтэмын. Татын шутэтскон инты кылдӥз. Со сярысь сюлмаськизы та гуртын вордскыса будэм но али палэнын улӥсьёс Рафаэль Хакимов, Салават Нигматуллин. Та уж 160 сюрс манетлы ӵошам.

Орловкаын «Холодный ключ» ошмес 100 сюрс манет тыр выльдэмын. Со сярысь сюлмаськиз Башкортостанысь Кун Собранилэн-Курултайлэн председателез Константин Толкачёв.

Туэ но Янаул ёросын трос ужъёс быдэстыны чакламын: ӵектэм 325 проект пӧлысь та дыре 317-ез лэсьтэмын.  

Фото: Администрация Староваряшский сельсовет