+28 °С
Облачно
Общество
8 Августа 2024, 09:05
Нылпиос кышкыт учыръёсы медаз шеде
Каникулъёс дыръя, жаляса верано, кышкытлыкъёсы, шудтэм учыръёсы шедем нылпиослэн лыдзы йылэ.
Нылпиос кышкыт учыръёсы медаз шеде
Башкортостанысь валтӥсь кун инспекторлэн Владимир Севастьяновлэн кылъёсызъя, нылпиосын сэрен туэ гужем луэм кышкыт учыръёсын лыдпусъёс сюлмаськыто. Берлось вить толэзь куспын нылпиосын 135 ДТП луэм. Отын143 нылпи сӧсырмем, сизьымез - кулэм. Со пӧлысь кыкез велосипедэн машина улэ шедиллям.
- Сюрес вылын нылпиос кышкыт учыръёсы медаз шеде шуыса, дышетон юртъёсын ӵош ужаськом, пиналъёсын пумиськонъёс радъяськом, соос сюрес вылын кышкыт учыръёсы медаз шеде шуыса, - вера В. Севастьянов.
Гуртъёсын но нылпиос понна ПДД-лы сӥзем ужрадъёс ортчо. Гужем соосты ӵемысь ортчытъяло библиотекаосын, клубъёсын ужасьёс.
Туспуктэм вылын: Татышлы ёросысь Выль Татышлыысь модельной библиотека нылпиослы ПДД-лы сӥзем ужрад дасяз.
Фото: Новтатышлинская библиотека.
