Калтасы ёросысь кышномурт СВО-ысь ожгарчиослы 100 сюрс манет тыр коньдонзэ сётӥз

Кышномуртлэн улон сюресэз капчи ӧз луы. Кузпалэныз люкиськыса, одӥг коньдонтэк но кылиз. Озьы ке но, киоссэ ӧз лэзьы. Азьпал шудбурезлы но льӧль малпанэзлы оскыса шуг-секытъёсты вормыны тыршиз. Чебер малпанэз но солэн бадӟым ӧй вал: бакчаен пичи гинэ коркаез уйвӧтаз но адӟылӥз. Солы луыса Уйпала ужаны кошкиз. Тыршемез огшорылы ӧз луы, ӝоген кышномурт льӧль малпанзэ быдэстӥз: корка басьтыса бакча мерттӥз.

Туннэ нуналэ Зинаида Владимировна пенсиын шутэтске. Трос коньдон поттыны уг быгаты ни ке но, пичиен люкаса мынэ. Нош кема ӧвӧл кышномурт вань люкам коньдонзэ нимысьтыз военной операцие пыриськись ожгарчиослы юрттэт карыса сётӥз. Солэн 100 сюрс манет тыр коньдонэныз СВО-е кык электрогенератор, кык бензопила но мукет кулэ луись макеос басьтыса лэзизы.

Зинаида Данилова ассэ туспуктэм лэсьтыны ӧз сёты. «Мон герой шат? Шаерамы мон сямен юрттэт карисьёс ӧжыт ӧвӧл. Угось котькин нимысьтыз военной операцилэсь быремзэ чидатэк возьма. Соин СВО-ысь пиосмылы быгатэмъя юрттыны кулэ», - шуэ Зинаида Владимировна.

Калыкмы, ӵошен кариськыса, тушмонлы уз сётӥськы. Россилэн кужымез калыкез бордын.

Фото: газета «Калтасинская заря»