Анаймурт капитал – семьяослы юрттэт

Анай-атай вордэм нуныезлы шумпотэм сяна, сое утялтон, визьнодан сярысь сюлмаське. Нылпиен семьяослы Россиын кун юрттэт но возьматӥське. Соос пӧлысь одӥгез – «Материнский капитал» сертификат.

- Тодӥсько, нылпиен семьяослы улоназы юрттэт туж кулэ, тужгес но – кун юрттэт, - вера Башкортостанлэн тӧроез Радий Хабиров.

Башкириын тросэз семьяос анаймурт капиталэн пайдаясько улон луонлыкъёссэс ӟечомытон улсын. Регионысь Социальной фондын ивортэмзыя, таиз арын республикаысь 430 семьяос анаймурт капиталзнызы корка ӝутыны пайдаяськиллям.

- 2024-тӥ арын регионысь 430 семьяос маткапиталзэс корка ӝутыны басьтӥзы. Солы ваньзэ 178 миллионлы матэ коньдон висъямын, - вера Россиысь Социальной фондлэн республикаысь ёзэтысьтыз управляющей Фаниль Вахитов.

Азьвыл аръёсы но семьяос маткапиталзэс корка ӝутыкузы, улон инты басьтыкузы маткапиталэнызы ӵемысь кутӥськиллям.

- «Материнский капитал» сертификатмы корка ӝутыны кутскыкумы бадӟым юрттэт луиз, - вера Татышлы ёросысь Ивановка гуртысь вить нылпиослэн анайзы, «Анаймурт дан» медальлэн кузёез Лилия Шайдуллина. – Бӧрысь егит семьяослы чаклам программае пыриськыса, милемлы корка ӝутыны сертификат сётӥзы. Озьы выль корка пуктӥм.

 Маткапиталэн пайдаяськонъя кылдэм юанъёсын вазиськыны луэ Соцфондлэн регионысь контакт-центраз 8 800 100 00 01 телефонъя.