СВО-ысь ожгарчи азьланезлы оскыса улэ

Альмир Ульмаскулов вордскемын но будэмын Кармаскалы ёросысь Выль Киешки гуртын. Пичиысен анай-атайтэк кылем нылпиез песяй-песятаез будэтэм. Гуртысьтыз школаез йылпумъяса, со Стерлитамаке каменщиклы дышетскыны пырем, нош берло Уфаысь техникумез быдтэм.

2022-тӥ арын Альмир Ульмаскулов мобилизация улэ шедиз. Кияз повестка кутэм бере, пиосмуртлэн сюлэмыз секытъёслэсь ӧз кышка.  Угось воргорон шаерзэ утьыны вордскемын.

Пиосмуртлы ож бусыосын кема ветлоно ӧз луы. Одӥгаз ожын соослэн группазы мина шоры шедиз. Со нуналэ Альмир Ульмаскуловлэн улонэз воштӥськиз. Тушмонлэн минаез воргоронэз улонэн ӧз люкы ке но, пыраклы пыдъёстэк кельтӥз.

Трос госпитальёсты ортчыса, пиосмурт вордскем гуртаз берытскиз. Кожалод, егит воргорон улонысь  яркыт буёлъёсты  уз адӟы ни. Нош Альмир Ульмаскулов секытъёслы ӧз сётӥськы. «Выль» улонзэ выль сямен радъяны малпаз.

Туннэ нуналэ нимысьтыз военной операциысь ожгарчи нылпиослы шаерзэс гажаны дышетэ. Гуртысьтыз культура юртлэн спортзалэз но, пиосмуртлэн кичӧлтэмезъя, нош ик пиналъёслы ӧсъёссэ усьтӥз. Табере Альмир Ульмаскулов отын  нылпиослы волейболъя секция нуэ. Нош Кармаскалы ёрос администрацилэн юрттэменыз спортзалэ тренажёръёс, гантельёс но штангаос вуизы.

Озьыен, Альмир Ульмаскуловлэн улонэз азинтӥське. Вордскем шаерез понна пыдъёссэ ыштэм воргорон азьланезлы оскыса улэ.

Фото: ИА «Башинформ»