+23 °С
Салкым
Антитеррор
Вань иворъёс
Общество
11 Июля , 10:15

Почта ёзэтъёс гуртлэн шор сюлмыз выллем луо

Татышлы ёросын «Ошмес» газетэз тужгес трос басьто Выль Татышлыысь но Улысь Балтачысь почта ёзэтъёсын.

Почта ёзэтъёс гуртлэн шор сюлмыз выллем луо
Почта ёзэтъёс гуртлэн шор сюлмыз выллем луо

«Таиз арысь кыкетӥ паларлы «Ошмеслы» огъя 114 адями гожтӥськиз, – вера Выль Татышлы гуртысь почта ёзэтэн кивалтӥсь Ралина Даутова. – Почтальонъёсмы Мария Зидиярова, Инна Садртдинова газет-журналъёсты лыдӟисьёс доры дыраз вуттон сярысь сюлмаськыса ужало». 

 Гуртъёсын почта ёзэтъёсы вазиськисьёс ӧжыт ӧвӧл. Уго отын ужасьёс трос услугаосты ӵекто.

- Почта ёзэтъёслэн лыдзыя асьмелэн республикамы странаын - нырысетӥ интыын. Зэм, та ӧрын шуг-секытъёс но пумисько. Куд-ог интыосын ужасьёс уг тырмо, - вера Башкортостанлэн тӧроез Радий Хабиров. – Кык ар талэсь азьвыл республикаысь 20 почта ёзэтъёсын тупатон ужъёс лэсьтӥмы, 2024-тӥ арын 21-зэ почта ёзэтэз выльдыны чакламын. Та программа 2025-тӥ арозь чакламын. Гуртын улӥсьёс пусъё, соослы почта ёзэтъёс туж кулэ шуыса. Уката ик ёрос центръёслэсь, городъёслэсь кыдёке интыяськем гуртъёсын.  

Туспуктэм вылын: Ралина Даутова (паллянысез) но Мария Зидиярова.  

Автор:Миляуша Булатова
Читайте нас: