Почта ёзэтъёс тужгес трос лыдъясько Башкортостанын

Со дырысен трос аръёс ортчемын ке но, адямилэн улоназ почта ёзэтъёс туннэ но валтӥсь инты басьто. Россиысь регионъёсты басьтоно ке, Башкортостанын почта ёзэтъёс тужгес трос лыдъясько. Отчы пӧртэм мугъёсын нуналлы быдэ 27 сюрслэсь ятыр адями вазиське. Республикаысь 1240  почта ёзэтъёсын сизьым сюрслэсь ятыр адями тырше. Соос пӧлысь тросэз (80%) гуртъёсы интыяськемын.

Янаулысь почтамт Татышлы но Янаул ёросъёсын ужа. Адямиос почта ёзэтъёсы пӧртэм мугъёсын вазисько. Вуж Варашысь почта ёзэтэн Галина Зайнуллина кивалтэ. Та ужаз со 1998-тӥ арысен тырше.

- Электротыллы, газлы, интернетлы квитанциосты кутыса, гуртысь почта ёзэтэ вамыштӥськом, – шуо варашъёс. – Почтамы медаз гинэ ворсаськы. Татын посылкаос лэзьыны но басьтыны луэ. Юртъер котырын кулэ луись куд-ог арбериосты но почтаысь басьтӥськом».

Туспуктэм вылын: Галина Зайнуллина (паллянысез) но Татьяна Тимирбулатова.

Фото редакцилэн архивысьтыз басьтэмын.