+21 °С
Салкым
Антитеррор
Вань иворъёс
Общество
5 Июля , 10:25

Шаермес утисьёслы юрттэт возьматӥське

Нимысьтыз военной операцие пыриськисьёслы, соослэн матысьёссылы Башкортостанын бадӟым саклык висъяське.

Шаермес утисьёслы юрттэт возьматӥське
Шаермес утисьёслы юрттэт возьматӥське

Шаермес утисьёсэн радазы султыны мылкыд карисьёслы, Россиысь Обороная министерствоен контракт гожтэмзы бере, республикаын имысьтыз выплатаос чакламын. Башкортостанлэн тӧроезлэн Радий Хабировлэн указэзъя, 2024-тӥ арын 1-тӥ куартолэзьысен 31-тӥ гудырикошконозь контракт гожтэмъёслы 205 сюрс манет тыр единовременной коньдон сётӥське. Со сяна, контрактниклы Миноборона 195 сюрс манет тыре. Озьы ик коньдон юрттэт висъян сярысь распоряжениос кутӥзы ёросъёсысь но городъёсысь администрациос. Огъя лыдъяса, контракт амалэн  нимысьтыз военной операцие пыриськисьёс шорлыдын 500-600 сюрс манет коньдон басьто. Со сяна, соослы толэзьлы быдэ 204 сюрс манет уждун тыриське.

Нимысьтыз военной операцие пыриськисьёс тодо, соос тушмонлы пумит сылыку, соослэн семьяоссылы, матысьёссылы кунмы юрттэт возьматэ шуыса. Башкортостанын та ужлы тужгес но бадӟым саклык висъяське. Нимысьтыз военной операцие пыриськисьёслэн матысьёссы дун тырытэк республикаысь санаториосы («Ассы», «Зелёная роща», «Янган-Тау», «Карагай», «Красноусольск», «Танып», «Юматово», «Якты-Куль»), шутэтскон юртъёсы («Берёзки», «Берёзка»), лечебно-оздоровительной центръёсы («Энергетик», «Радуга», «Бодрость», «Здравница Зауралья»), «Ай» профилакторие вуылыны быгато. Соос транспортлы налог уг тыро. Рыночной дунлэсь пичигес дунэн квартира басьтыны быгато. Контрактникъёслэн нылпиоссы школаосын дунтэк сисько, колледжъёсын дышетскемзы понна дун уг тыро, секциосы, кружокъёсы дунтэк ветло но мукет.

Нимысьтыз военной операцие пыриськыны контракт гожтыны быгато 60 аресозь пиосмуртъёс (шер пумиськись ӧнеръёсын адямиос – 65 аресозь).

Контрактэн служба пумысен вазиськыны луэ:

- огъя юалляськон номере – 117;

- ситуационной центре – 122 яке 8 (347) 218-19-19;

- БР-ысь военной комиссариатлэн пунктаз – 8 (347) 248-29-31 (Уфа, Революционная, 156);

- «Мои документы» МФЦ-лэн офисъёсаз;

- башбат.рф сайтэ;

- Телеграм мессенджерысь контрактэн службалы но СВО-е пыриськисьёслы но соослэн семьяоссылы юрттэт возьматонъя чат-ботъёсы.  

Фото: Валерий Шахов.

Автор:Миляуша Булатова
Читайте нас: