Кагаз газетлэн шӧмыз но ческытгес

Газет 990 экземплярен печатласькиз. Зэм, бӧрысь лыдпус тубатэтӥ выллем вылӥе ӝутскиз. Выль кылдэм газетэз котькинлэн лыдӟемез потӥз угось. Озьы удмуртъёслэн газетсылэн эшъёсыз трос люкаськизы. Оскымон лыдӟисьёсмылэн, малпасько, али ке но син азязы на, дыр, тямыс бамен газетмы. Аръёс ортчыса, со шӧдскымон воштӥськиз: быдӟалаез будӥз, тусыз яркытгес луиз, зӧкталаез кулэсмиз, лыдӟисьёсыз ӧжытазы. Газетмылэн таиз номерез, кылсярысь, 748 экземплярен печатласькиз. Азьвыл аръёсын ӵошатыса, зэм, со трослы ӧжытгес. Нош республикаысьтымы, быдэс Россиысь сямен ик, газет-журналъёслэсь тиражзэс учконо ке, со сокем улӥын но ӧвӧл кадь. Ортчем 25 ар куспын удмурт калыкмы но лыдӟиськемысь ӧз дугды, дыр. Вотэс бамъёсамы лыдӟисьёсмылэн лыдзы арысь аре йылэ угось. Туннэ нуналэ бадӟымъёсызгес лыдӟисьёсмы киязы кагаз газетэз кутыса лыдӟыны мылкыд каро ке, егитъёс ВК-ысь, телеграмысь иворъёсмес лыдӟо.

 Вотэс бамъёсмес лыдӟисьёсты кыклы люкон, оло, шонер но ӧвӧл, дыр. Малы ке шуоно туала вакытэ тросэз интернет вотэсэн эшъясько. Туннэ нуналэ милемыз ВК пыр 7784 адями лыдӟе, телеграм пыр – 260, одноклассники пыр – 1800. Вераны кулэ, лыдӟисьёсмы пӧлысь тросэз республикамылэн палэназ улӥсь удмуртъёс луо. Лыдпусъёс, шӧдӥськоды-а, макем бадӟымесь. Нош асьмеос ӝожтӥськиськом, удмурт калыкмы, тужгес но егитъёс, уг лыдӟисько ни шуыса. Озьы ке но сюлэмы та лыдпусъёсын уг буйгатскы: республикаысьтымы куд-ог ёросъёсын, удмуртъёс трос ке но уло, анай кылынызы газетэз басьтӥсьёс туж ӧжыт. Башкортостанысь тросаз удмурт корка кагаз газет мед пырысал. Солэн шӧмыз но, зыныз но ческытгес уга. Кызь вить ар ӵоже газетмылэн кӧня геройёсыз вал меда? Та дыр ӵоже пиналъёс будыса асьсэлэсь семьяоссэс Кагаз газетлэн шӧмыз ческытгес уга.

Кызь вить ар ар ӵоже газетмылэн кӧня геройёсыз вал меда? Та дыр ӵоже пиналъёс будыса асьсэлэсь семяоссэс кылдытӥзы ни, бадӟымъёсызлэн лыдӟисьёсмылэн йырсиоссы тӧдьы пужмерен шобыртӥськизы. Туннэ мон музъемозь йыбырттӥсько газет бамъёсысь геройёсмылы, тӥ улонмес яркытгес, чебергес карыны юрттӥськоды. Жаляса верано, геройёсмы пӧлысь тросэз пӧламы ӧвӧл ни. Тодэ ваёнъёсамы гинэ улэ на газетмылэн нырысетӥ редакторез, культура удысысь сӥёдано ужась Андрей Гильмаев но. Тодӥсько, капчи ӧз йӧты солы «Ошмесэз» быдэс республикае вӧлмытон, выль кылдэм газетлы сюрес усьтон. Соин туннэ шумпотыса верасько, газетмылэн «атаезлэн» кутскем ужез азинтӥське шуыса. Азинтӥське со тӥледлы луыса, гажано лыдӟисьёсмы. Соин тодады вайытӥсько: та нуналъёсы газетлы 2024-тӥ арысь кыкетӥ паларлы гожтӥськон мынэ. Эн вунэтэ «Ошмеслы» гожтӥськыны. Азьланяз но тӥляд юртады со ӟеч иворен мед пыроз.