Гожъяськисьёсты кун наградаосын пусйизы

Отчы люкаськемъёсты пумитаса вераськиз Россия Федерациысь наукая, дышетонъя но культурая комитетэн кивалтӥсь Лилия Гумерова. Со Россиысь калыкъёслэсь йӧскалык литературазэс азинтонэ бадӟым люкет пыртэмзы понна Комитетлэн Тау карон гожтэтъёсыныз пусйиз кылбурчиез Диля Булгаковаез но БР-ысь Писательёслэн союззылэсь ёзчизэ Урал Кулушевез.

Башкортостан Республикалэн тӧроезлэн указэныз БР-ысь Писательёслэн союззылэн ёзчиез Наиль Гаитбаев Калыкъёслэн эшъяськон орденэныз пусъемын. Салават Юлаевлэн орденэныз данъязы БР-ысь Писательёслэн союззылэн правлениеныз кивалтӥсез Айгиз Баймухаметовез но БР-ысь калык писателез Тансулпан Гариповаез.  

  «За трудовую доблесть» медаль сётӥзы БР-ысь Национальной архивлэн директорезлы Ниязбай Салимовлы, БР-ысь Писательёслэн союззылэн ёзчиосызлы Игорь Фроловлы но Галим Хисамовлы.

Та нуналэ дано гожъясьёслы Башкортостан Республикалэсь Данъян грамотаоссэ сётъязы, соосты «Заслуженный работник культуры Республики Башкортостан» нимын пусйылӥзы.