Луэмезлы шумпотыса, ӟечезлы оскыса улоно

- Кыкмы ик Андреевкаын вордскемын. Пичиысен ог-огмес тодыса будӥм, - вера Зухайра Галимовна. – Нош быдэ вуыса, ӵошен семья кылдытыны гожтэм вылэм. Со дырысен ӝыны даур ортчиз ни. Шӧдытэк но кылиськиз аръёслэсь ортчемзэс.

Галиев кузпалъёс гурт хозяйствоын ужаллям. Зухайра апай парсь фермаын тыршем, Миншарап Миннывалиевич гырем-кизем, стройбригадаын луэм. Берло со нефтяникын ужам. Ужам аръёссэс Галиевъёс шуныт тодэ ваёнъёсазы возё. Пенсие потыса, кузпалъёс асьсэды сад-бакчазылы сӥзиллям, шуыны луоз. Гужем Галиевъёслэн юртъер котырзы пӧртэм сяськаос пӧлы вые. Кӧня ке ар ӵоже ни соос «Лучшее подворье» ёрос конкурсэ пырисько, вормисьёс пӧлын луо.

Туэ но Семьялэн арез улсын шаерамы юртъер котыръёслэн чеберлыксыя конкурсъёс ортчозы. Отчы Галиевъёс одно ик пыриськозы.  

(Быдэсак лыдӟе газетмылэн 18-тӥ номерысьтыз).