+28 °С
Салкым
Общество
24 апрель 2024, 06:26
Улон сюрестӥ йыг-йыг вамышто
Кин ке улонысь утча зарни, нош кин ке котькуд шудо вамышез понна шумпотэ. Янаул ёросысь Наняды гуртысь Гульнара но Леонтий Надыршинъёслэн но семьязы улонлэсь ческыт шӧмзэ валаса но шумпотыса улыны быгатэ. Кузпалъёслэн кылъёссыя, ӵошен вордэм но будэтэм нылпиоссы быдэс дунне вылысь зарнилэсь но дуно. Соос луэмен улонзы арысь аре яркытгес но шудогес пушъе.
Улон сюрестӥ йыг-йыг вамышто
Гульнара но Леонтий Вуж Варяшын Гырон быдтон праздникын тодматскиллям. Янаул ёросысь Андреевка гуртысь чебер нылэз егит пи трос нылъёс пӧлысь соку ик синйылтэм. Со нуналэ бускель гуртысь вуэм нылэз егит пи мотоциклэн дораз келям.
Ӝоген Леонтийлы шаерез утьыны вакыт вуиз. 1985-тӥ арын быдэ вуэм пиез армие басьтӥзы. Кык ар ортчыса, кыдаса но улонэз валаса, Леонтий Надыршин дор палаз берытскиз. Соку ик яратоно туганэз доры шонтӥз но вылькенаклы лушказ. 1987-тӥ арын кык гажась сюлэмъёс семья кылдытӥзы. Со арын ик нырысетӥ нунызы вордӥськиз.
Кузпалъёс котьку ик ӵошен ужазы. Пизы кӧня ке будэм бере, Гульнара апай картэныз комбайнэ пуксиз. Воргорон ю-нянь араз, нош ненег кышномурт соин артэ юрттӥсез луыса тыршиз. «Ноку но ум люкиськиське вал. Вазь ӵукна дорысь ӵошен потӥськом, гуртэ бер ӝыт берытскиськом. Пимес соку песяез утьыса будэтӥз. Нош ми ӟеч улон понна тыршим», - малпанъёсыныз люкиське Гульнара Надыршина.
(Надыршинъёслэн семьязы сярысь пыр-почгес лыдӟыны быгатоды газетмылэн 20-тӥ южтолэзе потэм номерысьтыз).
