Аслэсьтыд выжыдэ вунэтыны уг яра

Угось али вордӥськем нунызэ егит  анай шумпотонэн тырмем гуръёсын ветта. Берпуметӥ сюресаз но адямиез ӝожмыт кырӟаса келяло. Жаляса верано, кырӟаны быгатонлык ваньмызлы сётэмын ӧвӧл, нош кырӟаны котькин но яратэ. Соин ик огез ас пушказ шулдыр яке кайгуэн пыӵам гуръёсты нёръя, мукетыз сцена вылысь чик уг пыра.

Калтасыысь Татьяна Хайдаршина ассэ кырӟанъёстэк син азяз пуктыны ик уг быгаты. Танялэн кылъёсызъя, со пичиысен матысьёсызлы концерт возьматъяз. Нырысь микрофон интыын скакалка умой ужаз, берло зэмос арбериен сцена вылэ потаны ӧдъяз. «Кыӵе гинэ праздникъёс дорамы уг ортчо вал, монэ одно ик кырӟаны курылӥзы. Мынам, пичи нылашлэн, соку ик мылкыд лӧптоз вал. Угось туж яратӥ кырӟаны», - тодаз вайыса вера Таня.

Школаын дышетскыкуз классысьтыз эшъёсыныз ӵош урамын ӵем гинэ концерт ортчытъязы, асьсэ понназы конкурс выллем ужъёс но нуизы. Нош дышетскон юртын радъяськись ужрадъёсын Таня матысь эшеныз ӵош кырӟалляз. Школаын соослэсь дуэтсэс тодӥсьтэмез ӧй вал, сцена вылын но нылъёсты котьку шуныт пумитазы.

Кылемзэ лыдӟе газетмылэн 17-тӥ оштолэзе потэм номерысьтыз.