Аръёсын кыдам семья юн пушъет сётэ

Калтасы ёросысь Бадӟым Качак гуртысь Фёдор но Ирина Вагаповъёслэн семьязы котьма ласянь учкымон но синмаськымон луэ. Улон сюрестӥ йыг-йыг вамышъясь Фёдор Михайлович но ненег сяська выллем Ирина Юлкубаевна - туала пиналъёслы но адӟем карымон адямиос.

Ноку но ог-огзэс адӟымтэ егитъёслэсь пумиськон нуналзэс тодмотэм но валантэм кужым матэ кариз, дыр. Угось Бурай ёросысь Алтау гуртын вордскем но быдэ вуэм егит пи, Бирскысь пединститутэз йылпумъяса, Бадӟым Качак школае ужаны интыяськыны мылкыд карем. Тодэм меда соку эркын улыны яратӥсь егит сюлэм чебер баблес йырсиё нылэн улонзэ пыраклы герӟамез сярысь? Кин тодэ на табере: оло тодэм, оло шӧдэм. Огез гинэ валамон: улонэз но быръем удыссэс юн гажась адямиос кужмо но учкымон семья кылдытӥллям.

(Вагаповъёслэн семьязы сярысь лыдӟе газетмылэн 2024-тӥ арысь 10-тӥ январе потэм номерысьтыз).