Сюлэммы атай юртэ куриське

Атаймы Геннадий Шарифуллинович Гарифьянов Татышлы ёросысь Дубовка гуртын улэ. Ми асьмелэн семьяосынымы солэсь палэнын ке но улӥськом, сюлэммы котьку атай юртэ куриське. Тодӥськом, отын атаймы милемыз,  пиоссэ но нылзэ, кенъёссэ но эмеспизэ, внукъёссэ котьку возьма, шуныт пумита шуыса. Атаймы та нуналъёсы 60 арес тырмон юбилейзэ пусъе. Аръёс дыртыса ортчо ке но, атаймы ми понна котьку егит луэ. Солэн ӟеч мылкыдыз ваньзэ вормыны, азьпала йыгмыт вамышъёсын мыныны юрттэ. Со кема аръёс ӵоже лесникын ужаз. Али ке но шутэтсконэз уг вала, котьку уж пӧлын берга. Атаймы «Рассвет» хозяйствоын тырше.

Туннэ атаймес вордӥськем нуналэныз  ӟечкыланы дыртӥськом. Солы милемыз будэтэмез, шонер сюрес бырйыны юрттэмез, секыт дыръёсы, шумпотыку – котьку вӧзамы луэмез понна тау шуиськом. Атаймы – милям данъяськонмы, шумпотонмы. Солы сӥзиськом ӟеч мылкыд, тыпы кадь юн тазалык, быронтэм кузь даур, тыр улон но шудбур!

Дунне вылын тон мед луод шудо,

Шудо тылси мед синъёсад пиштоз.

Тон ми понна котькинлэсь но дуно –

Соин кема-кема тон мед улод.

Нылпиосыд, внукъёсыд но внучкаосыд.