Гуртозэс буре вайыса

Шаермес утисьёслэн нуналзы улсын купченейёс гуртозэс тодазы ваизы, мемориал пул азе сяськаос понӥзы.

Александр Пургин 1982–тӥ арын Купченей гуртын вордскем. Гуртысьтыз школаез йылпумъяса, Ермекейысь 140 номеро профессиональной училищеын тодон-валан басьтэм. Собере егит пиез армие басьтӥллям. Сорлэн служба аръёсыз Северной Кавказын ортчиллям. Чечен Республикаын контртеррористической операцие но пыриськем, ранение басьтэм. Озьы ке но ӝыны арскын армиысь эшъёсызлэн радазы султэм. Ожын басьтэм вормонъёсыз понна Александр Сергеевич Мужестволэн орденэныз пусъемын.
Армия бере А. С. Пургин МЧС-э ужаны интыяськем. Нош 2015-тӥ арын контрактэн служить карыны мылкыд карем, Тихоокеанской флотын луэм. Нош 2022-тӥ арын гудырикошкон толэзьысен спецоперацие пыриськем. Сержантлэн улонэз Донбассын улӥсь калыклэсь шыпытлыксэ утьыкуз чигиз.

Фото: Купченеевская сельская библиотека