Кӧлон интызы чебер но чылкыт мед луоз

Бадӟым Качак гурт поселениын улӥсь калык «Программа поддержки местных инициатив» проектэ мылысь-кыдысь пыриське. Кылсярысь, та программа улсын Бадӟым Качакысь шайвылэз кенерен котыртӥзы, Кугарчин гуртысь 5600 метръем сюресэз тупатӥзы, Бадӟым Качак шор ёзо школаысь спортзалэз, Чиндэрысь шайвыл кенерез, Качкинтурайысь клублэсь шунтон системазэ выльдӥзы.

Туэ но гурт поселение проектэ пыриськыны мылкыд кариз. Лэсьтоно ужъёс трос ке но, нырысь ик тужгес но кулэез бордын тыршоно. Гуртъёс трос пӧртэм малпанъёссэз шараязы, нош Кугарчинысь калык одно ик шайвылэз котыртӥсь кенерзэс выльдон понна гижыен жабыртӥськиз. Нырысетӥ кенешонысен ик вань калык огкылысь луиз: выжыосты вунэтоно, пе, ӧвӧл, кӧлон интызэс чылкыт но чебер возёно.

13-тӥ толшоре Кугарчинысь «Нурлы» мечетьын берпуметӥез кенешон ортчиз. Соку ик инициативной группа но бырйизы. Отчы гуртысьтызы вить адямиос пыризы. Малпанзы пӧрмиз ке, инициативной группа коньдон люкан бордын тыршоз, ужзылэсь быдэстӥськемзэ чаклалоз.

Калык уж борды мылысь-кыдысь басьтӥськем бере, малпанзы одно ик пӧрмоз. Угось ӵошен кариськем калык гурезез но вырӟытэ.

Геннадий ХАЙДАРШИН,

Бадӟым Качак гурт поселенилэн администрациеныз кивалтӥсь.