Гуртын обелиск мед луоз

Берло нуналъёсы ортчем собраниосын соос сюлмаськытӥсь ужпумъёссы сярысь вераськизы. Гуртын улӥсьёс урамысьтызы сюрессэс гравиен шобыртыны мылкыд каремзэс веразы. Йылпумъясь собрание лыктэмъёс пӧлысь тросэз гуртэ обелиск пуктон сярысь кылпум ӝутӥзы. «Быдӟым Атыкай ожын асьмелэн песятайёсмы улонзэс жалятэк нюръяськизы. Нош соосты буре вайыны асьмелэн обелискмы но ӧвӧл», - шуизы соос. Татчы люкаськем калык огкылысь «Устройство обелиска павшим воинам в Великой Отечественной войне1941-1945 г.г.» проект понна куаразэ сётӥз. Собраниын инициативной группа бырйизы, коньдон люкан сярысь вераськизы.

Манагазын улӥсь калык котькуд уж борды мылысь-кыдысь кутске. Кылем арын соос вакчи дыр куспын гуртазы мечеть пуктӥзы. Обелиск ӝутон но капчиен радъяськоз шуыса оскон вань.  

Павел МАРДАМШИН,

Калмияр гурт поселенилэн администрациеныз кивалтӥсь.