Геройлэн нимыз уз вуны

Кылем арын нырысетӥ куарусёнэ Янаул ёросысь Вуж Варашысь школаын Россилэн Героезлы, старший лейтенантлы, Украинаын нимысьтыз военной операциын бырыны шедем Игорь Насибуллинлы мемориал пул усьтӥзы. Башкортостан Республикалэн Тӧроезлэн Радий Хабировлэн указэныз Игорь Насибуллинлы быремез бере Шаймуратов генераллэн орденэз сётэмын.2022-тӥ арын витетӥ куарусёнэ Уфаын спецоперациын бырем военнослужащийёслэн матысьёссылы Россия Федерацилэсь кун наградаоссэ сётӥзы. Россилэн Президентэзлэн указэныз старший лейтенантлы Игорь Леонидович Насибуллинлы Россия Федерацилэн Героез ним сётэмын (быремез бере).

Кылем арын Геройлэн гуртаз Башкортостанлэн Тӧроез Радий Хабиров но вуылӥз. Со Геройлэн анай-атаеныз пумиськылӥз. «Мон Игорьлэн ожмаськемез сярысь лыдӟылӥ. Кышкасьтэм егит пиен ми котьку данъяськомы но тодамы возёмы. Тӥледлы, шаермес утись вань пиосмылэн семьяоссылы юрттомы», - вераз Радий Хабиров.

Туэ 14-тӥ пӧсьтолэзе Янаулын Россилэн Героезлэсь Игорь Насибуллинлэсь бюстсэ усьтӥзы.

Тазьы нимаське Янаул ёросысь Вуж Вараш гуртысь Россилэн Героез, танковой роталэн командирез Игорь Насибуллин сярысь «Ротный Насибуллин» фильм но уськытэмын. Солэн авторез, продуюсерез но редакторез - Гульнур Ишбулатова, режиссёр но режиссёр-постановщикез - Айгуль Малбаева.

***

Игорь Насибуллин военнойлэн семьяяз будӥз. Запасысь майорлэн Леонид Гыльмияровичлэн кыкез пиосыз военнойлэсь сюрессэ бырйизы. Игорь радиоэлектроникая Кемеровской кадетской корпус пыр потӥз, Казанской высшей танковой командной Краснознаменной училищеез йылпумъяз.