Тылпуэн вить нунал нюръяськизы

Ёрос администрациен кивалтӥсь МЧС-лы, Башкортостан Республикаысь Кышкыт учыръёсъя кун комитетын тыршисьёслы, республикаысь Нюлэс хозяйствоя министерстволы, добровольной пожарной дружинаослы, волонтёръёслы но вань юрттӥськем калыклы тау кариз.

Та нуналэ Кышкыт учыръёсъя кун комитетэн кивалтӥсьлэн воштӥсез Лилия Карамова БСТ каналын «Салям» передачаын тылпуэн нюръяськемзы сярысь вераз. «Югдур туж кышкыт вал. Тылпуэ пырыны секыт луиз: ӝуаз торфяник, - югдурен тодматӥз со. – Отын тылпуэн нюръяськонъя нимысьтыз оперативной штаб кылдытэмын вал. Кышкыт учырен нюръяськисьёслы бадӟым юрттэт возьматӥзы волонтёръёс. Нуналлы быдэ матысь гуртъёсысь, Нефтекамскысь, Дюртюлиысь 200-450 адямиос юрттӥськыны вуылӥзы. Тылпу кысонэ КА-32 вертолёт но вуылӥз».

Калтасы ёрос администрациен кивалтӥсь калыкезлы инкуазьын но, дораз но сак кариськыны куриз. «Тылпулэсь дыраз утиськоно, - шуиз со. – Тылпу котькинлы бадӟым кышкытлык кылдытэ».

Фото:МЧС по РБ