Тупаса уло пӧртэм калыкъёс

Со улсын, Янаул ёросысь нылкышноослэн Кенешсылэн но ёрос библиотекалэн кичӧлтэмзыя, ар ӵоже ёросын пӧртэм ужрадъёс, конкурсъёс радъяськизы. Соос Янаул ёросын улӥсь калыкъёслэн лулчеберетэнызы, вордскем шаерез утёнэн, вашкалазэ егитъёслы вуттонэн герӟаськемын вал. Удмуртъёслы сӥзем ужрадъёс но соос пӧлын луизы: «Янаульский этномир: удмурты», «Наша сила в корнях» но мукет.

Проектэ школаын дышетскисьёс но пыриськизы. Ужрадъёс 100-лэсь трос пиналъёсты огазеязы. Алигес проектлы йылпумъян ужрад ортчиз. Со «Многоцветье народов» нимаськиз. Отын проект улсын ортчем конкурсын вормисьёсты ӟечкылазы. Удмурт гуртъёсысь школаосын дышетскисьёс но соос пӧлын луизы.

Йӧскалык видеороликъёслы сӥзем конкурсэ 5-11-тӥ классъёс пыриськизы. Максим школаысь 8-тӥ классын дышетскисез Нияз Ахматгалиевез «Художественный ролик» номинациысь дипломен пусйизы. «Игровой видеоролик» номинациын вормисе потӥз Янаулысь И. Ш. Муксинов нимо гимназиын 6-тӥ классын дышетскись Тимур Файзуллин. Со ужаз «Воспитание трудолюбия» удмурт веранэз возьматӥз. Янаулысь нырысетӥ номеро школаын 8-тӥ классын дышетскись Яна Байтимирова конкурсэ «Удмурты: обычаи, традиции, культура» видеоуж дасяз. Солэсь ужзэ вылӥ дунъязы. Яна «Документальный ролик» номинациын вормисе потӥз.

Фото: МОО "Совет женщин Янаульского района" РБ